फागुन ७ , चितवन । भरतपुर महानगरपालिकाले मनाउन लागेको भरतपुर भ्रमण वर्षको तयारी तिब्र पारिएको छ । भ्रमण वर्ष उदघाटन स्थल नारायणी नदी किनारमा तयारी तिब्र पारिएको छ । आगामी फागुन १८ गते अर्थात मार्च १ मा नारायणघाटको नारायणी नदी किनारमा भ्रमण वर्षको उदघाटन हुनेछ । प्रदर्शनी स्थलमा सौन्दर्यकरणको काम तिब्र पारिउको छ । उदघाटनलाई आकर्षक बनाउने गरी काम सुरु गरिएको हो । महानगरपालिकाले निजी क्षेत्रसँगको सहकार्यमा पहिलोपटक बृहत् प्रवद्र्धनात्मक अभियानअन्तरगत भरतपुर भ्रमण वर्ष २०२४ आयोजना गर्न लागेको हो ।
उदघाटन सत्रलाई मध्यनजर गरेर सरसफाईको काम पनि अघि बढाइएको छ । उदघाटन स्थल भउको कारण वडा नम्बर १ ले सरसफाईलाई विशेष प्राथमिकता दिएको छ । बजारी क्षेत्रमा सरसफाईकोक ाम पनि अघि बढाइएको छ । नदी किनारमा हुने उद्घाटन समारोहलाई आकर्षक बनाउन काम तिब्र पारिएको भरतपुर महानगरपालिका वडा नम्बर १ का अध्यक्ष केशब महर्जनले बताए । ‘ नारायणी नदी किनारमा सौन्दर्यकरणको काम भइरहेको छ , ’ वडा अध्यक्ष महर्जनले भने , ‘ नारायणघाट बजारलाई पनि हामी आकर्षक बनाउने सोचमा छौ । ’
भ्रमण वर्षमा भरतपुरमा तीन लाख पर्यटक भित्राउने महानगरको लक्ष्य छ । पर्यटन विकासबाट सामाजिक तथा आर्थिक परिवर्तन ल्याउन, सिथिल अवस्थामा रहेको पर्यटन व्यवसायलार्ई थप चलायमान बनाउन भ्रमण वर्षले टेवा पुग्ने महानगर प्रमुख रेनु दाहालले बताइन् । उद्घाटन समारोहका लागि आर्कषक स्टेज निर्माण गरिने महानगरले जनाएको छ ।फागुन १८ गते अर्थात् कार्यक्रम उद्घाटन हुने दिन करिब ५० हजार जना नारायणी किनारमा ल्याउने तयारी गरिएको उपप्रमुख चित्रशेन अधिकारीले बताए ।
महानगरको प्रतिष्ठा राष्ट्रिय तथा अन्तर्राष्ट्रियस्तरमा वृद्धि गर्न, प्राकृति, सांस्कृतिक, धार्मिक तथा ऐतिहासिक सम्पदाहरुको प्रचारप्रसार गरी पर्यटकको संख्या र बसाइ अवधि वृद्धि गर्ने उद्देश्यमा भ्रमण वर्ष केन्द्रीत रहेको भरतपुर महानगरपालिकाका पर्यटन विज्ञ विश्व सुवेदीले बताए ।
भ्रमण वर्षका लागि महानगरपालिकाले २१ वटा प्रमुख पर्यटकीय गन्तव्यहरु, सातवटा लेकसाइड सर्किट र ११ वटा धार्मिक सर्किटको नामाकरण गरी व्यवस्थापन गर्ने काम गरिरहेको छ । प्रधानमन्त्री पुष्पकमल दाहाल प्रचण्डले भ्रमण वर्षको उद्घाटन गर्ने कार्यक्रम रहेको छ । भ्रमण वर्ष सफल बनाउन मुल समितिसहित २९ वटा उपसमितिहरु गठन गरिएको छ ।जसमा राष्ट्रिय तथा अन्तर्राष्ट्रिय कलाकारहरुले प्रस्तुती दिने महानगरका प्रमुख प्रशासकिय अधिकृत नरेन्द्रकुमार रानाले बताए ।

सोमबार, फागुन ०७, २०८० मा प्रकाशित

तपाईको प्रतिक्रिया

सम्बन्धित समाचार

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद

सरकारको नेतृत्वमा  सुशिला कार्कीलाई अघि बढाउने प्रस्तावमा विवाद सुरु