भरतपुर । भ्रष्टाचार विरुद्ध प्रदर्शन गरेको जेनजीले मंगलवार चितवन बन्दको आब्हान गरेको छ । शान्तिपूर्ण प्रदर्शनको क्रममा सरकारले प्रदर्शनकारी युवामाथि गरिएको चरम दमनका विरुद्ध बन्दको आब्हान गरेको हो । ,‘ यस अमानवीय दमनको कडा विरोधस्वरूप तथा देशव्यापी भ्रष्टाचारविरुद्ध दबाब सिर्जना गर्ने उद्देश्यले हामी चितवन जेनजीको तर्फबाट चितवन बन्द गर्ने निर्णय गरेका छौं ,’जेनजीको नाममा जारी गरिएको सार्वजनिक अपिल पत्रमा भनिएको छ । भनिएको छ । सबै उद्योगी, व्यवसायी, यातायात व्यवसायी , विद्यार्थी, श्रमिक, समाजका विभिन्न वर्ग तथा समुदायलाई बन्दलाई सफल बनाउन अनुरोध गरिएको छ ।
जेनजीले विहान ११ बजे भरतपुरको चौविसकोठीमा प्रदर्शनको तयारी गरेको छ । त्यसअघि जिल्ला प्रशासन कार्यालय चितवन अगाडी धर्ना बस्ने तयारी गरेको छ । आन्दोलनको क्रममा घाईते भएकाहरुको अभिभाबक सहित एक घण्टा जिल्ला प्रशासन कार्यालय अगाडी धर्ना दिने तयारी गरिएको बताइएको छ । जेनजीले गरेको आन्दोलनमा सोमबार भरतपुर महानगरपालिका अगाडि भएको झडपमा १५ जना प्रर्दशनकारी घाईते भएका थिए । आन्दोलनमा घुसपैठ हुन सक्ने भन्दै त्यसमा सजगता रहन भनिएको एक अभियन्ताले बताएका छन् । ‘ चितवनमा घाइृते भएकाको अभिभाबक सहित धर्ना दिने कार्यक्रम छ , ’ उनले भने,‘ त्यसपछि शान्तिपूर्ण प्रदर्शन हुने सल्लाह भएको छ । ’ आन्दोलदनको क्रममा चितवनमा ८ जना प्रहरी गरी २३ जना घाइते भएका हुन् ।
