भरतपुर – विद्यार्थीको पोषाकमा सिण्डिकेट भएको लगाउँदै चितवनको नेपाल कपडा तथा सिलाई ब्यवसायी संघले शिक्षा मन्त्रालयको ध्यानाकर्षण गराएको छ । विद्यालय तथा कलेजको मिलेमतोमा ब्यापारीले सिण्डिकेट गरेको भन्दै खारेजीको लागि ध्यानाकर्षण गरेको छ । जिल्ला प्रशासन कार्यालय चितवन मार्फत आज संघले शिक्षा मन्त्रीलाई ज्ञापन पत्र बुझाएका छन् । राज्यलाई कर तिरेका ब्यवसायमा मार पर्ने गरी कमिसनको चलखेल भएको ब्यवासयीले बताएका छन् ।संघका पूर्व अध्यक्ष रामप्रसाद पुडासैनीले कमिसनको खेलमा सिण्डिकेट गरेर अनाधिकृत कारोबार गरिउकोले त्यसलाइृ बन्द गराउन शिक्षामन्त्रीको ध्यानाकर्षण गरेको बताए ।
‘ राज्यलाई कर तिरेर दक्ष जनशक्तिलाई रोजगारी सिर्जना गरी बसेका ब्यवसायीलाई पलाएन हुने अवस्थामा बजारमा भारतीय कालिगढ लगाएर भन्सार छलि गरेर कारोबार गरिएको पाइएको छ , ’ ज्ञापनपत्रमा भनिएको छ , ‘ विद्यालय तथा क्याम्पसका पोषाकका लागि गोप्य सम्झौता गरी गुणस्तरहिन पोशाक लगाउन विद्यार्थीलाई बाध्य पारिएको छ । ’मंगलवार चितवनका सहायक प्रमुख जिल्ला अधिकारी चिरञ्जिवि शर्मालाई संघका अध्यक्ष बाबुराम छिनालले ज्ञापनपत्र बुझाएका थिए । अनाधिकृत रुपमा संचालन गर्दै आएको ब्यवसायलाइृ करको दायरामा ल्याउन माग गरिएको छ ।
