धादिङ–त्रिशूलीमा यात्रु बस खस्दा ६ जनाको मृत्यु छ । हालसम्म घटनास्थलमा ६ जनाको शव फेला परेको र घाइतेहरुको उद्धार कार्य भइरहेको छ । भैरहवाबाट काठमाडौं जादै गरेको सिद्धार्थ यातायातको लु २ ख २१२१ नम्बरको बस गजुरी गाउँपालिका वडा नम्बर ५, घाटबेसीमा खसेको हो । पृथ्वीराजमार्गबाट करिब एक सय मिटर तल त्रिशुली नदिमा खसेको जिल्ला प्रहरी कार्यालय धादिङका प्रहरी उपरीक्षक गौतम केसीले जानकारी दिनुभयो । दुर्घटनापछि बसमा फसेका ३७ जनाको उद्धार गरी उपचारका लागि पठाइएको छ ।
घटनास्थलमा नेपाल प्रहरी, शसस्त्र प्रहरी, नेपाली सेना गरि ६५ जना भन्दा धेरै प्रहरी र स्थानीयले उद्दार गरिरहेका छन् । एसपी नेतृत्वमै प्रहरीको टोली खटिएको छ । आमदघाटबाट सशस्त्र प्रहरी बल नेपाल विपद् व्यवस्थापन सुरक्षा बेसको टोली पनि उद्धारमा छ । अनियन्त्रित भएर बस नदीमा खसेको अनुमान गरिएको छ । बिपद ब्यबस्थापन तालिम शिक्षालय कुरिनटार चितवनको टोली पनि उद्दारमा पुगेका छन् । बस चालक रुपन्देही लुम्बिनी संस्कृति नगरपालिका९ बस्ने बर्ष ३८ को हरिराम हरिजनलाई प्रहरीले नियन्त्रणमा लिएको छ । दुर्घटना सम्बन्धमा विस्तृत विवरण आउन बाँकी रहेको छ ।
