चितवन, २६ फागुन । भरतपुर आँखा अस्पतालका बाह्य कार्यक्रम संयोजक रमेश घिमिरे नेपाल नेत्र सहायक परिवारको अध्यक्ष भएका छन् । सौराहामा भएको चौथो राष्ट्रिय अधिवेशनले रमेश घिमिरेको नेतृत्वमा अधिवेशनले शनिबार सर्वसम्मत समिति चयन गरेको छ । समितिको कार्यकाल दुइृ वर्षको हुनेछ । नवनिर्वाचित अध्यक्ष घिमिरेले नेत्र सहायकहरुको पेशागत हकहित र आँखा उपचारका लागि निरन्तर लागिरहने प्रतिबद्धता व्यक्त गरे । विगतमा निस्क्रिय जस्तै रहेपनि संस्थालाई चलायमान बनाउँदै लैजाने बताए ।
समितिको वरिष्ठ उपाध्यक्षमा नवीन कुमार राजबंशी, उपाध्यक्षमा भवानी प्रसाद पाठक, महासचिवमा रमेश प्रधान, सचिबमा महेश पराजुली, कोषाध्यक्षमा सन्तोस घिमिरे र सहकोषाध्यक्षमा दमन अधिकारी चयन हुनु भएको छ । सदस्यमा डबल अधिकारी, रामानन्द बिश्वकर्मा, इन्दिरा उदय जोशी, विश्वेश्वर जोशी, सुशील कुमार मेहता, दिपेन्द्र कुमार चौधरी, सुजित कुमार शाह, दिपेश कुमर राम, बिमल घिमिरे, मुहम्मद अफ्ताब आलम, पुण्य प्रसाद अधिकारी र कल्याण ढुंगाना चयन भएका छन् । इन्द्र कुमार सिंह र किरण मैयाँ थापालाई सदस्यमा मनोनित गरिएको छ ।
नेपालमा आठ सय हाराहारी नेत्र सहायक रहेका छन् । अन्धोपन निवारण तथा आँखा सेवालाई व्यवस्थित, मर्यादित र अनुशासित ढंगबाट सञ्चालन गर्न नेत्र सहायकहरुको भूमिका र योगदान महत्वपूर्ण रहने बताउँदै घिमिरेले पेशागत समस्या र सुरक्षाका साथ परिस्कृत रुपमा अन्धोपना न्यूनिकरणमा संस्थागत टेवा पु¥याउने संस्थाको उद्देश्य रहेको छ । फागुन २५ र २६ गते चितवनको पर्यटन नगरी सौराहामा महाधिवेशन भएको हो । 
