चितवन: भरतपुर महानगरपालिका वडा नं–२ ले वडाबासीको लागी सहुलियतको ब्यवस्था गरेको छ । वडाबासीले स्वास्थ्य, शिक्षा र कृषिमा सहुलियत पाउने भएका छन् । सहुलियतका लागी विषय सम्बद्ध कार्यालयसंग सम्झौता गरिएको वडाध्यक्ष मनोज रानाभाटले बताए । वडाध्यक्ष रानाभाटले वडाबासीको प्रत्यक्ष लाभान्वित हुने योजना अघि सारेका हुन् ।
स्वास्थ्यका लागी पुरानो मेडिकल कलेज, तरकारी तथा फलफुलका लागी क्षेत्रपुर स्थित महानगर फलफूल तथा तरकारी बजार व्यवस्थापन समिति र शिक्षाको लागी मल हेभन मोडल स्कुल, चितवन बोर्डिङ स्कुल, न्यु होराइजन बोर्डिङसंग सम्झौता गरिएको छ । ‘वडाबासीको सुविदाको लागी सहुलियतका लागी सम्झौता गरेका छौं’, वडाध्यक्ष रानाभाटले भने, ‘ प्रत्यक्षरुपमा वडावासीको लाभाका लागी गरिएको सम्झौता दिगो रहने विश्वास छ ।’
सहुलियत दिने संस्था र वडा कार्यालयबीच सम्झौता भएको छ । वडाध्यक्ष रानाभाटले भरतपुर–२ नं का बासिन्दाल स्वास्थ्यको लागी पुरानो मेडिकल कलेज , कलेज अफ मेडिकल साइन्सेस (पुरानो मेडिकल कलेज), संस्थागत विद्यालय, क्षेत्रपुरको महानगर फलफूल तथा तरकारी बजारसँग सम्झौता गरेका छन् ।
पुरानो मेडिकल कलेजबाट पाउने सेवामा पचास प्रतिशतसम्म छुट पाउने भएका छन् । वडा कार्यालयको सिफारिसमा नागरिकले उक्त सुविदा पाउनेछन् । मेडिकल कलेजका अतिरिक्त निर्देशक मनोहर प्रधानले पुरानो मेडिकल कलेजबाट उपलब्ध हुने हरेक सेवामा बढीमा ५० प्रतिशतसम्म सहुलियत दिने गरी दिगोरुपमा सम्झौता भएको बताए ।
वडाका बालबालिकाहरुले सहुलियतमा पढ्न पाउने भएका छन् । वडाका स्थायी बासिन्दाले मात्रै सुविदा पाउने छन् । कार्यालयले संस्थागत विद्यालयसँग २५ प्रतिशतसम्म छात्रवृत्तिका लागि पनि सम्झौता गरेको छ । वार्षिक शुल्कमा १० प्रतिशत छात्रवृत्ति दिनेछन् । छात्रवृत्ति सम्झौता पत्रमा वडाध्यक्ष रानाभाट र स्मल हेभन मोडल स्कुलका प्रचार्या विमलकुमार क्षेत्री , चितवन बोर्डिङ स्कुलका केशव कुमार श्रेष्ठ र न्यु होराइजन बोर्डिङका वसन्त रानाभाटले हस्ताक्षर गरेका छन् ।
वडा कार्यालयले फलफूल र तरकारी खरिदमा ४० प्रतिशतसम्म छूट पाउने पाउने ब्यवस्था गरेको छ । महानगर फलफूल तथा तरकारी बजार व्यवस्थापन समितिसँग सम्झौता गरेको छ । भरतपुर–२ मा रहेका विभिन्न संघसंस्थाहरुको कार्यक्रममा आवश्यक पर्ने तरकारी तथा फलफूलमा वडा कार्यालयको सिफारिसमा ४० प्रतिशत छूटमा तरकारी तथा फलफूल उपलब्ध गर्नुपर्ने सम्झौतापत्रमा उल्लेख छ । सम्झौतापत्रमा वडाध्यक्ष रानाभाट र महानगर फलफूल तथा तरकारी बजारका प्रबन्ध सञ्चालक थिरप्रसाद धितालले हस्ताक्षर गरेका छन् ।
सम्झौता भएपछि वडावासी खुसी छन् ।

सोमबार, चैत २६, २०८० मा प्रकाशित

तपाईको प्रतिक्रिया

सम्बन्धित समाचार

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद

सरकारको नेतृत्वमा  सुशिला कार्कीलाई अघि बढाउने प्रस्तावमा विवाद सुरु