विशाल रानामगर ( विस्कान्सन ) –सदस्यता विस्तारसंगै समितिलाई कार्ययोजना सहित अघि बढाउने निर्णय गर्दै जय नेपाल इन्टरनेसनल फाउन्डेशनको विस्कान्सन च्याप्टर बैठक सम्पन्न भएको छ । सेप्टेम्बर एकमा एप्पलटनमा बसेको बैठकले फाउन्डेशनको कामको समिक्षा गर्दै संगठन विस्तार तिब्र पार्ने निर्णय गरेको हो । बैठकबाट संस्थाको सदस्यता वितरण कार्यक्रमको सुरुवात गरिएको थियो । ४३ जनाले आजीवन सदस्यता लिएका थिए । बैठकमा एक सय भन्दा बढीको हसभागीता थियो । बैठक भब्य रुपमा सफल भएको दावी गर्दै केन्द्रीय प्रवक्ता लाल प्राद काफ्लेले विज्ञप्ती जारी गडर्दै धन्यवाद दिएका छन् । स्वस्फूर्त उपस्थित विस्कान्सनवासीहरुले जय नेपाल इन्टरनेसनल फाउन्डेशनलाई विश्वास देखाएको भन्दै काफ्लेले अभियानमा निरन्तर क्रियाशील हुन अझ बढि अभिप्रेरित गरेको बताएका छन् । आजिवन सदस्यता वितरण कार्यक्रमका संयोजक रामजी मरासिनी र इन्टरनेसनल फाउन्डेशनका कोषाध्यक्ष गोबिन्द श्रेष्ठले गरेका थिए । काफ्लेले बैठक सफल पार्न सहयोग गर्ने समितिका पदाधिकारी र सदस्यहरुलाई धन्यवाद दिएका छन् ।
बैठकमा प्रमुख अथिति केन्द्रीय अध्यक्ष अध्यक्ष डा. यादव पण्डित, विशिष्टि अतिथि तथा एनआरएनए एनसीसी अमेरिकाका निर्वतमान अध्यक्ष बुद्दि सागर सुवेदीको उपस्थिती थियो । एनआरएन एनसीसी अमेरिकाका युवा उपाध्यक्ष अनुप खनाल, बोर्ड सदस्य दुर्गा तिवारी, एनसीसी अमेरिकाका निर्वाचन आयुक्त टुक प्रसाद रेग्मी, च्याप्टर अध्यक्ष राज कुमार हमाल, हरि बहादुर अधिकारी तथा पुर्व अध्यक्ष हरि राज खनाल , समाजसेवीहरु हरिहर पौडेल, दिनेश तिवारी, हेमलाल देवकोटा, राजेन्द्रमणी भण्डारी, यम नारायण लामिछाने लगायतको उपस्थिती थियो ।
जय नेपाल इन्टरनेसनल फाउन्डेशनको विस्कान्सन च्याप्टरका अध्यक्ष प्रशान्त बन्जाडेको अध्यक्षतामा सम्पन्न भएको हो । इन्टरनेशनल फाउन्डेसन विस्कान्सन च्याप्टरका महासचिव जिवन भण्डारीले कार्यक्रम संचालन गरेका थिए ।उक्त कार्यक्रममा सहभागीलाई उपाध्यक्ष शिव चपाईँ ‘विन्दु ’ ले स्वागत गरेका थिए ।
