चितवन। मानव अधिकार तथा शान्ति समाज चितवन शाखाको सभापतिमा पूर्णचन्द्र चापागाँई निर्विरोध चयन भएका छन् । भरतपुरमा भएको २७ औ वार्षिक साधारणसभा तथा अधिवेशनले चापागाँईको नेतृत्वमा ११ सदस्यीय नयाँ समिति बनेको हो । समितिको उपसभापतिमा जीवन केसी, सचिवमा जयन्ती प्रसाद उपाध्याय, सहसचिवमा रुविसा कोइराला ,कोषाध्यक्षमा सुप्रिया सापकोटा चयन भएका छन् । त्यस्तै सदस्यहरूमा खेमराज अधिकारी,तारा परियार, गौरिभक्त वाग्ले, विश्वराज ढुङ्गाना, सुमी गौतम, किर्ति चौधरी निर्बिरोध चयन भएका हुन् ।साधारण सभा तथा अधिवेशनमा ‘बिकासको अधिकार अहरणिय अधिकार ’ विषयमा बहस गरिउको थियो । चितवन जिल्ला अदालतका न्यायाधीश पुष्पराज थपलिया प्रमुख अतिथि रहेका थिए । केन्द्रीय वरिष्ठ उपसभापति कृष्ण रावल , नेकपा एमालेका नेता अनोज जोशी , शान्ति समाजका केन्द्रीय उपसभापति राजेन्द्र पौडेल , पुर्व उपसभापति उद्धव लोहनी , केन्द्रीय कोषाध्यक्ष एवं पर्यवेक्षक किरण ढकाल , पुर्व केन्द्रीय सचिवहरु बाबुहरि आचार्य , श्यामसुन्दर पराजुली ,, मानव अधिकार संजाल चितवनका अध्यक्ष दिपक लामिछाने , मानव अधिकार संगठन चितवनका अध्यक्ष हरि अधिकारी , शान्ति समाजका केन्द्रीय सदस्य बिनोद अधिकारी , केन्द्रीय सदस्य दिवाकर पुडासैनी , शान्ति समाजका नवलपुर शाखाका सभापति कमल शर्मा , नवलपुर शाखाका निवर्तमान सभापति भानु रिमाल , प्याब्सनका पुर्व केन्द्रीय सदस्य बेल बहादुर गुरुङ , लोकतान्त्रिक संस्थागत तथा निजि बिद्यालय शिक्षक संघका केन्द्रीय उपमहासचिव देवकान्त काफ्लेको सहभागीता थियो । शान्ति समाज चितवन शाखाका उपसभापति भवानीदेवी अधिकारीले स्वागत गरेकी थिईन् । सचिव जीवन केसीले प्रस्तुत गरेको प्रगति प्रतिवेदन र आगामी वार्षिक कार्ययोजना र कोषाध्यक्ष तारा पौडेलले आर्थिक प्रतिवेदन साधारण सभाले पारित गरेको छ । मानव अधिकार तथा शान्ति समाज चितवन शाखाका निवर्तमान सभापति शम्भु राउतले नवनिर्वाचित समितिलाई बधाई दिदैँ शुभकामना दिए ।
