चितवन : सहकारी ठगी आरोपमा पक्राउ परेका पूर्व उपप्रधान तथा गृह मन्त्री एवं राष्ट्रिय स्वतन्त्र पार्टीका सभापति लामिछाने बयान बुधधवार पनि हुने भएको छ । मंगलबार दिउँसो १ बजेपछि सुरु भएको अपरान्ह साढे चार बजेसम्म बयान लिइएको थियो । जिल्ला सरकारी वकिल कार्यालयका अनुसार पहिलो दिन प्रारम्भिक प्रश्नमात्र गरिएको हो ।
सरकारी वकील कार्यालय चितवनका न्यायधिवक्ता शान्तिराज लुँइटेलले बुधवार कार्यालय समय सुरु भएपछि पुनः सुरु हुने बताए । । ‘ साढे चार बजेसम्म बयान लिएका थियौ । नसकिएप्छि भोली (बुधवार) पनि लिन्छौं , ’उनले भने , ‘ हामीले विस्तृतमा बुधवार बयान लिन्छौं । ’
लामिछानेसंग लिखित बयान लिइएको हो । सरकारी वकील र अनुसन्धान अधिकृतले सयुंक्त बयान लिएका छन् । बुधवार बयान सक्ने तयारी छ । सहकारी ठगी, सड्गठित अपराध तथा सम्पत्ति शुद्धीकरणको मुद्दामा पक्राउ परेका लामिछानेलाई काठमाण्डौँबाट मंगलबार बिहान चितवन ल्याइएको थियो । लामिछानेविरुद्ध चितवनको साहारा चितवन बहुउद्देश्य सहकारी संस्थाको बचत रकम हिनामिना गरेको आरोपमा चितवन जिल्ला अदालतले मंसिर ५ गते लामिछानेसहित १० जना विरुद्ध पक्राउ पुर्जी जारी गरेको थियो ।
साहरा चितवन सहकारीकै रकम हिनामिना अभियोगमा पूर्व डिआइजी छविलाल जोशी र नेचर हव इन्टरनेशनल प्रालिमा आबद्ध रामबहादुर खनाललाई आइतबार र सोमबार बयान लिइएको छ । उनीहरूलाई आइतबार चितवन ल्याएर हिजो बयान सकिएको थियो । रविका समर्थकले भरतपुरमा प्रर्दशन गरेका थिए ।
