भरतपुर । नेपालमा भएका २००७ सालदेखि २०६२/०६३साल सम्मका राजनितिक परिवर्तनमा भएको वलिदान र योगदानका वारेमा चर्चा गरियो । ७५ औं प्रजातन्त्र दिवस र ३० औं जनयुद्ध दिवसका अवसरमा नेपाल बुद्धिजीवी संगठन चितवनले आयोजना गरेको अन्तरक्रिया कार्यक्रममा विज्ञहरुले नेपालको राजनैतिक परिवर्तनमा भएका योगदान र अहिलेको राजनैतिक अवस्थाको वारेमा समिक्षा गरेका थिए । कार्यपत्र प्रस्तुत गर्दै ३ जना विज्ञले सुझाव दिएका थिए । प्रा.डा. भिमराज अधिकारी, प्रा.अनन्त ढुंगाना, प्रा. दिपक शिवाकोटीले टिप्पणी गरेका थिए ।
माओवादीका केन्द्रीय सदस्य नेता ईश्वरी भट्टराईको प्रमुख आतिथ्यता एवं नेकपा माओवादी चितवनका इन्चार्ज घनश्याम दाहाल विशेष अतिथि रहेका थिए । नेकपा माओवादी चितवनका अध्यक्ष रामचन्द्र अधिकारी, मानव अधिकार तथा शान्ति समाजका केन्द्रीय बरिष्ठ उपाध्यक्ष राजेन्द्र पौडेल , अर्थशास्त्रि एवं प्राध्यापक निर्मलकुमार शर्मा , भरतपुर अस्पतालका अध्यक्ष राजु पौडेल , प्राध्यापक नारायण रेग्मी , युवा लगाएतले बोलेका थिए ।
राणा शासनको १०४ वर्षिय लामो निकरकुंशताका विरुद्ध २००७ सालमा भएको भएको राजनैतिक परिवर्तन नेपाली काँग्रेसको शसस्त्र क्रान्तिको बलमा भएको र २०१८ र २०२८ मा पनि क्रान्ति गरेको कार्यपत्रमा उल्लेख गरिएको छ । २०५२ सालमा सुरु भएको माओवादीको जनयुद्धले संसदवादी दलहरुसंगको सहकार्यले राजतन्त्रको अन्त्य गरी गणतन्त्र स्थापना भएको उल्लेख गरिएको छ । नेपाल बुद्धिजीवी संगठन चितवनका संयोजक विनोदखण्ड तिमिल्सेनाले कार्यपत्र प्र्रस्तुत गरेका हुन् । कार्यक्रममा संगठनका सचिव गोकर्ण सापकोटाले सहजीकरण गरेका थिए ।
नेपाली काँग्रेसले जहानियाँ राणाशासन फाल्न गरिएको क्रान्ति , निर्दलिय पञ्चायती व्यवस्था विरुद्ध २०१८ सालको विद्रोह, २०२८ सालको झापा विद्रोह , २०४२ सालको बमकाण्ड, २०४६ सालको संयुक्त जनआन्दोलन र २०५२ सालको जनयुद्ध र २०६२÷०६३ को जनआन्दोलन सबै रानितिक रुपान्तरण र वर्गिय मुक्ति आन्दोलनले राजनितिक परिवर्तन ल्याएका हिंसात्मक होईनन भन्ने निश्कर्ष निकालिएको थियो ।
