फाल्गुन १, २०८२ चितवन । शैक्षिक गुणस्तरमा ख्याती कमाएको चितवनको पुरानो विद्यालय आदिकवि भानुभक्त माध्यमिक विद्यालयले स्थापना दिवस मनाएको छ । शैक्षिक प्रगतीमा उत्कृष्ट मानिएको भानु माविले विविध कार्यक्रम गरि ५७ औं वार्षिकोत्सब मनाएको हो । विगत देखि वर्तमानसम्मको अवस्थाको समिक्षा गर्दै शैक्षिक सफलता हासिल गरेको चर्चा गरिएको थियो । भरतपुर १ नारायणघाटमा रहेको विद्यालयले माध्यमिक शिक्षा परीक्षा एसईईमा उल्लेख्य सफलता हासिल गरेको चर्चा गरिएको थियो ।
कार्यक्रमको अध्यक्षता गरेका विद्यालय व्यवस्थापन समितिका अध्यक्ष अध्यक्ष महेन्द्र थापामगरले विद्यार्थी संख्याको हिसाबले विद्यालय महानगरको दोस्रो ठूलो रहेको भन्दै शैक्षिक अवस्था पनि राम्रो रहेको बताए । शैक्षिक गुणस्तरमा ख्याती कमाएको भन्दै बिद्यालयले शैक्षिक प्रगतीमा उत्कृष्ट मानिएको बताए । विगत देखि वर्तमानसम्मको अवस्थाको समिक्षा गर्दै शैक्षिक सफलता हासिल गरेको चर्चा गरिएको थियो । भरतपुर १ नारायणघाटमा रहेको उक्त विद्यालयले माध्यमिक शिक्षा परीक्षा एसईईमा उल्लेख्य सफलता हासिल गरेको चर्चा गरिएको थियो । कार्यक्रमका प्रमुख अतिथि भरतपुर महानगरपालिका वडा नम्बर १ का वडा अध्यक्ष केशव महर्जनले सामुदायिक विद्यालयको शैक्षिकस्तर उकास्न र भौतिक पूर्वाधारलाई प्राथमिकता दिन अभिभाबकको चासो पनि उत्तिकै अपरिहार्य रहेको बताए ।
विद्यालयको वार्षिक प्रतिवेदन प्रस्तुत गर्दै विद्यालयका प्रधानाध्यापक रामजीप्रसाद अधिकारीले एसईईको नतिजा अनुसार महानगरका सामुदायिक विद्यालय मध्यको उत्कृष्टमा रहेको भन्दै शैक्षिकस्तर थप सुधार गर्ने लक्ष्यसहित अगाडि बढेको बताए । विद्यालयले स्थापना दिवसमा विविध कार्यक्रम आयोजना गरिएको थियो । होटल व्यवस्थापन संकायका विद्यार्थीहरूले विद्यालयमा फुड स्टलको आयोजना गरेका थिए । विद्यालय नर्सको संयोजकत्वमा स्वास्थ्य शिविरमा अभिभावकहरूले स्वास्थ्य परिक्षण गराएका थिए । रक्तचाप तथा मधुमेहको परीक्षण गरेका थिए ।
शिक्षक प्रतिनिधि दिपेश रायले स्वागत मन्तव्य व्यक्त गरेका थिए । विद्यालयका सहायक प्रधानाध्यापक डम्बरबहादुर शाहीले संचालन गरेका उक्त कार्यक्रममा देवघाट विकास समितिका पूर्व अध्यक्ष टंकनाथ पौडेल , विद्यालय व्यवस्थापन समितिका पूर्व अध्यक्षहरू, सल्लाहकार समितिका पूर्व संयोजक शैलेन्द्र पिया , चन्दादाता रमेश श्रेष्ठ , सल्लाहकार सुरेश अधिकारी,बद्रीप्रसाद अधिकारी, रमाकान्त सापकोटा , डिबी परियार , शिक्षक अभिभावक संघका अध्यक्ष विष्णुप्रसाद न्यौपाने लगाएतले बोलेका थिए ।
