भरतपुर- पश्चिम चितवनको भरतपुर २१ कन्चनवस्तीमा भएको छैठौ कञ्चन खुल्ला पुरुष नकआउट भलिबल प्रतियोगिता को उपाधि KYC शारदानगरले जितेको छ । सोमबार भएको फाईनलमा मन्जिल गुरुङ्गको टिम कालिका टिमलाई (२५-२०), (२२-२५), (२५-१८) र (२५-२१) को सेटमा पराजित गर्दै शारदानगरले उपाधि जितेको हो । उपाधिसगै शारदानगरले नगद ५१ हजार रुपैया सहित ट्र्फी, मेडल र प्रमाणपत्र प्राप्त गरेको छ । भने उपबिजेतामा रहेको कालिका टोलले नगद ३१ हजार सहित ट्रफी, मेडल र प्रमाणपत्र पायो । सन्स्थाका अध्यक्ष दुर्गा प्रसाद सुबेदीले बताए । त्यसैगरि प्रतियोगिताको सेमिफाईनलिष्ट २ टिम काली बहादुर गण भरतपुर र अमृतचोक स्पोर्टस क्लवले ११/११ हजार प्राप्त गरे ।
कञ्चन समाजको चाहना, खेलकुद विकासको कामना’ भन्ने मूल नाराका साथ पौष २९ गतेदेखि भएको सन्स्थाका अध्यक्ष दुर्गा प्रसाद सुबेदीले बताए । प्रतियोगितामा १६ टिमले सहभागिता जनाएका थिए । समापन कार्यक्रममा बागमती प्रदेश सभा सदस्य ठाकुर प्रसाद ढकाल, भरतपुर २१ का वडा अध्यक्ष कृष्णकुमार गुरुङ्ग, जिल्ला खेलकुद बिकास समितिका अध्यक्ष उत्तम गुरुङ्ग लगाएत बिशिष्ट ब्यक्तिहरुको उपस्थिति रहेको थियो ।
