२९ फागुन, काठमाडौं
थ्री स्टार क्लबले शहीद स्मारक ए डिभिजन लिगमा सातदोबाटो युथ क्लबको लगातार तीन खेलको अपराजित यात्रामा ब्रेक लगाएको छ ।
आदित्य शाक्यले खेलको अन्त्यतिर गरेको एक मात्र गोल मद्दतमा दशरथ रंगशालमा भएको खेलमा थ्री स्टारले सातदोबाटोलाई १-० ले हरायो ।
आदित्यले ८९ औं मिनेटमा अन्जल महर्जनको कर्नरलाई सदुपयोग गर्दै गोल गरेका थिए ।
जारी लिगमा दोस्रो जित निकालेको थ्रीस्टार चार खेलबाट ७ अंक जोडेर चौथो स्थानमा उक्लेको छ । जावलाखेल समान ७ अंक भए पनि थ्रीस्टार गोल अन्तरमा पछि रहेको छ ।
लिगमा ललितपुरे क्लबको दबदबा कायम रहँदा शीर्ष पाँचमा ललितपुरका क्लब छन् । लगातार तीन खेल जितेर उत्कृष्ट सुरुवात गरेको सातदोबाटोको भने लिगमा यो पहिलो हार हो ।
चार खेलबाट ९ अंकसहित सातदोबाटो दोस्रो स्थानमै छ । सातदोबाटोको हारपछि जारी लिगमा तीन टिम मात्र अपराजित छन् भने चर्च ब्वाइज युनाइटेड मात्रै शतप्रतिशत जित निकाल्ने एक्लो टिमको रुपमा छ । चर्च ब्वाइजसँगै त्रिभुवन आर्मी क्लब र मनाङ मर्स्याङ्दी क्लब अपराजित छन् ।

सोमबार, फागुन २९, २०७९ मा प्रकाशित

तपाईको प्रतिक्रिया

सम्बन्धित समाचार

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद

सरकारको नेतृत्वमा  सुशिला कार्कीलाई अघि बढाउने प्रस्तावमा विवाद सुरु