पूर्वमन्त्री एवम् राष्ट्रिय प्रजातन्त्र पार्टीका बरिष्ठ उपाध्यक्ष विक्रम पाण्डेले अहिलेको गणतन्त्र निरंकुश रहेको बताएका छन् ।
राष्ट्रिय प्रजातन्त्र पार्टी चितवनले आज (बुधबार) आयोजना गरेको सक्रिय सदस्यता वितरण कार्यक्रमलाई सम्बोधन गर्दै उनले यस्तो बताएका हुन् ।
पूर्वमन्त्री पाण्डेले भने, ‘अहिले यदि गणतन्त्र हो भने साच्चैनै गणतन्त्र हुनुप¥यो । जनताले अहिलेले भोगेको जस्तो गणतन्त्र हो त ?’ प्रश्न गर्दै उनले भने । ‘आज यो देशमा ६० देखि ७० प्रतिशतलाई ऋण लागेको छ । किसानदेखि कसैले ऋण तिर्न सक्ने अवस्था छैन । बैँकको ब्याजदर चक्रवृत्तिरुपमा रहदा हामीले त्यसलाई चुक्ता गरेर ऋणबाट बच्न सक्ने अवस्था छैन । मुठ्ठीभरका व्यक्तिले यो देशलाई शोषण गरेर बसेको छ । यही हो त गणतन्त्र’, उनले भने ।
पाण्डेले सत्तालोलुप नभएकाले राप्रपा सरकारबाट बाहिरिएको बताएका छन् । उनले भने, ‘त्यहाँ त्यस्तो खालको दृष्यहरु आउन थाल्यो जहाँ बसेर हामीले सत्तालाई सुविधासँग साट्न चाहेनौं, सकेनौं । हाम्रो मनले मानेन हामी सरकारबाट बाहिरियौं ।’ पूर्वमन्त्री पाण्डेले अबका दिनमा पनि सत्ताबाट राष्ट्रघाती कुुराहरु हुन खोजे त्यसको मुकाबिलाको लागि तमतयार रहेको बताए ।
सत्ता र शासनको दुरुपयोगले गर्दा युवा विदेश पलायन भएको उनले बताए । उनले भने,‘लामो समयदेखि यो देशमा राज्य कसले सञ्चालन गरेको थियो भन्ने पहिला बुझ्न प¥यो । १०४ वर्षीय राणा शासन र २९ वर्षीय राजा शासनको तुलना गर्नुस् । गुगलमा खोज्नुस् । त्यो शासन हुदाको अवस्थामा के के काम भयो कति वटा कलकारखाना उद्योग सञ्चालन भए कतिवटा बाटा घाटाहरु बने हेर्नुस् ।
राजाको शासनमा स्वदेशमै रोजगारको अवस्था सिर्जना भएको थियो देख्न सक्नु हुन्छ । विदेशमा हाम्रो सम्मान हुथ्यो । तर अहिले आउदा खेरीमा यो देशको कलकारखानाहरु बिक्री भए । युवाहरुजति सबै विदेशमा पलायन गराए । महंगी र लुटपाटले कुनै पनि युवाहरु यो देशमा बस्न नचाहेको अवस्था छ ।’
