नेपाली कांग्रेसका नेता डा. शेखर कोइराला र महामन्त्री गगन थापाले आफ्नो पक्षले सरकारमा तीन मन्त्री र एक राज्यमन्त्री पाउने जानकारी आफू पक्ष्का सांसदहरुलाई गराएका छन् ।
बिहिबार नेता कोइरालाको सम्पर्क कार्यालय बालुवाटारमा भएको आफ्ना पक्षका सांसदहरुको छलफलमा नेता कोइराला र नेता थापाले उक्त जानकारी गराएका छन् । कोइराला र थापा समूहबाट उपसभापति धनराज गुरुङ,जीवन परियार, डिगबहादुर लिम्बु, सुरेन्द्र आचार्य लगायतका नेताको नाम मन्त्रीका लागि चर्चामा छ ।
मन्त्रीका विषयमा पार्टी सभापति शेरबहादुर देउवासँग पनि छलफल भइरहेको नेताहरुले ब्रिफिङ गरेका थिए । छलफलमा उपनिर्वाचनका विषयमा पनि महामन्त्री थापाले जानकारी गराउनु भएको थियो । सरकारमा कांग्रेसले ८ मन्त्री पाउने सहमति भएपनि नेता कोईराला र सभापति देउवाबीच कुरा नमिल्दा ४ जना मात्रै कांग्रेसबाट मन्त्री बनेका छन् ।
