भरतपुर : वडालाई सरसफाईमा नमूना बनाउन भरतपुर महानगरपालिका वडा नम्बर २३ ले मिसन २३ अभियान सुरु गरेको छ । वडाको हरेक टोलमा सरसफाइ तथा स्वास्थ्य सचेतनासम्बन्धी मिसन–२३ अभियान सुरु गरेको हो । वडा भित्रको २३ टोल सुधारमा २३ दिन लगातार सरसफाइृको काम हुदैछ । हरेक दिन तीन घण्टा टोल सुधारलाई सहभागी गराएर समदायमा जारण सहित सरसफाईको अभियान थालनी गरिएको हो ।
अभियानको बागमती प्रदेशका स्वास्थ्य मन्त्री उत्तम जोशीले फोहोर टिपेर अभियानको थालनी गरेका थिए । मन्त्री जोशीले समुदाय गम्भिर नहुँदा सरसफाईको अवस्था विकराल भएको बताए । ‘ ब्यक्ति ब्यक्ति स्वयं नलागे सरसफाइृ हुँदैन , ’ उनले भने , ‘ अरुको मुख ताकेर होइन पहिला आफौट सुरु गरौ । त्यसको लागी मिसन २३ ले सबै वडालाई उदाहरण दिएको छ । ’
भरतपुर भ्रमण वर्षलाई लक्षित गरिएको छ । संरक्षण र वातावरण जोगाउन अभियान थालिएको भरतपुर–२३ का वडा अध्यक्ष दीपक दवाडीले बताए । अभियान अन्र्तगत फोहोरको उचित व्यवस्थापन गर्नेलाई पुरस्कृत गरिने छ । भने फोहोर ब्यवस्थापनमा लापरवाही गर्नेलाई जरिवानाको ब्यवस्था गरिएको वडाध्यक्ष दवाडीले बताए । ‘ वातावरण सफा नहुँदा पर्यटन , संरक्षण र संस्कृति नै संकटमा पर्दै गयो । त्यसैले यो अभियान समुदायमा केन्द्रीत अभियान सुरु गरेका हौ । ’ उनले भने , ‘ हामी २३ दिनमा वडाभरीका २३ वटा टोलसुधारको घरघरमा पुग्दैछौ । ’
अभियान अन्र्तगत कुहिने फोहोरलाई घरमै मल बनाउन लगाइने छ । वडाबाट सकेसम्म कम फोहोर मात्रै ल्याण्डफिल्ड साइडमा पठाउन कोशिष गरिएको हो । सार्वजनिक स्थानमा फोहोर फाल्न नदिने योजना छ ।
भरतपुर महानगरले भ्रमण वर्ष–२०२४ मनाउने तयारी गरिरहेका बेलासरसफाइ तथा स्वास्थ्य सचेतना कार्यक्रम गरिएको हो । ‘बढीभन्दा बढी जनसहभागितामा हुने कार्यक्रममा फोहोरको उचित व्यवस्थापन गर्न सिकाइने छ’, उनले भने, ‘राप्ती नदीमा फालिने प्लास्टिकजन्य फोहोरले प्रकृतिमा असर पुगिरहेको छ । कुहिने फोहोर पनि महानगरको गाडीमा हालिरहेको अवस्था छ । यस्ता कामलाई रोक्न मिसन–२३ अभियान सुरू गरेका हौ । ’कार्यक्रममा भरतपुर महानगरपालिका वडा नम्बर २२ का वडा अध्यक्ष विष्णुराज महतोले सबै वडाले सरसफाइृको अभियानलाई मिसनका रुपमा गर्नपर्ने बताए।
राप्ती नदी तटीय क्षेत्र सरसफाइ अभियानको सहकार्यमा प्रत्येक टोलमा पुगेर सचेतना वृद्धि गरिने छ । वडामा ाँ २० वटा टोल विकास संस्था, छवटा विद्यालय र तीनवटा सामुदायिक वन छन् । टोल विकास संस्था, विद्यालय र सामुदायिक वनलाई सरसफाइ गर्ने दिन छुट्टयाइएको छ ।वडा सदस्य विनु दराईको संयोजकत्वमा मूल्याङ्कन समिति गठन गरिएको छ । उक्त समितिले फोहोरको उचित व्यवस्थापन गर्ने उत्कृष्ट व्यक्तिको पहिचान गर्नेछ । उत्कृष्ट व्यक्तिलाई पुरस्कृत गरिने दराईले बताइन् ।राप्ती नदी तटीय क्षेत्र सरसफाइ अभियानका संयोजक अपिल घिमिरेले मानववस्तिको फोहोर वन क्षेत्रमा पुग्दा वन्यजन्तुमा असर परेको बताउँदै सचेतनाको लागी आग्रह गरे ।
