चितवन : नेपाल कम्युनिस्ट पार्टी ( एकीकृत समाजवादी ) को समाजवादी जागरण अभियान चितवन आउदैछ छ । पुर्बी नेपालको मेचिबाट सुरु भएको अभियान शुक्रबार चितवन प्रवेश गर्दैछ । केन्द्रीय अध्यक्ष माधव कुमार नेपाल , बरिष्ठ नेता झलनाथ खनाल सहितका नेताहरु अभियानमा सहभागी छन । शुक्रवार दिउँसो भण्डारामा दिउँसो १ बजे कार्यक्रम आयोजना गरिएको नेकपा एसको जिल्ला कमिटीले जनाएको छ । बिहिवार पत्रकार सम्मेलन गरेर अभियान र चितवनको कार्यक्रम बारे जानकारी गराएको छ ।
असोज १४ गते सुरु भएको अभियान असोज १९ गते महाकाली पुगेर समापन हुनेछ ।
अभियान अन्तर्गत चारबजे भरतपुरमा र त्यसपछि सौराहामा कार्यक्रम हुनेछ । अभियान अन्तर्गत विभिन्न पक्षसंग जागरण अभियानको आवश्यकता , उदेश्य र औचित्य बारे जागरुक बनाउने बताइएको छ ।
एक हजार किलोमिटरको अभियान छ । सबै स्थानिय तहको वडासम्मको कमिटीलाई परिचालित गरिएको छ । ” जनता र राष्ट्रले भोगेका समस्या , त्यसको समाधानमा पार्टिको स्पष्ट धारणा के हो भन्ने स्पष्ट पार्न अभियान गरेका हौ ” पार्टिका केन्द्रीय उपाध्यक्ष केशबलाल श्रेष्ठले भने ” सबैको सुझाव र प्रतिक्रिया लिनको लागि सबै तप्कामा पुराउन कार्यक्रम गर्दै हिडेका छौ । हाम्रो यात्रा भनेकै समाजबादी हो । ” समाजबादी जागरणलाई अभियानको अघि बढाउने उनले बताए ।
चितवनमा करिब ६ हजार जनाको सहभागिता हुने बताइएको छ । समाजबाद निर्माण गरेर मुलुकलाई निकास दिने अभियान रहेको बताए । पार्टीका जिल्ला अध्यक्ष अरुण पिडित भण्डारीले कार्यक्रमको तयारी पुरा भएको बताए ।

बिहिबार, असोज १८, २०८० मा प्रकाशित

तपाईको प्रतिक्रिया

सम्बन्धित समाचार

आदिकवि भानुभक्त माविले मनायो ५७ औं स्थापना दिवस, शिक्षामा संधै अगाडी

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद