चितवन : बागमती प्रदेशका स्वास्थ्य मन्त्री उत्तम जोशीले स्वास्थ्यको क्षेत्रमा लगानी गर्न एनआरएनएका नेतृत्वलाई आग्रह गर्नुभएको छ । प्रवासी नेपालीहरुले देशको विभिन्न क्षेत्रमा सहयोग गरेको भन्दै प्रसंसा गर्दै जोशीले स्वास्थ्यको क्षेत्रमा सहयोग जुटाउनको क्षेत्रमा आब्हान गरेका छन् । नेपालमा सहयोग भित्राउदा स्वास्थ्य सेवालाई लक्षित गगर्न आग्रह गरेका हुन् । चितवन सेवा समाजको अन्र्तराष्ट्रिय समन्वय समितिको ५ औं विश्व सम्मेलन एवं दशौं साधारण सभाको उदघाटन गर्दै मन्त्री जोशीले स्वास्थ्यको क्षेत्रमा लगानी गर्न आग्रह गर्दै सहकार्यको प्रस्ताव गरेका हुन् । भरतपुरमा शनिवार भएको कार्यक्रममा मनी जोशीले  चितवनबाट रोजगार र ब्यवसायको लागी विभिन्न देशमा गएका नेपालीहरुलाई प्रदेशमा लगाानी गर्न आग्रह गरेका हुन् । भूकम्प , कोरोना महामारीले देशमा आर्थिक संकट देखा परेको कारण विकासले सोचे अनुसार फड्को नमारेको भन्दै गरिब र पिछडीको वस्तिमा स्वास्थ्य परियोजना ल्याउन अनुरोध गरेका छन् । पिछडीएको वस्तिमा अझै पनि स्वास्थ्य सेवाको पहुँच नभएको बताउँदै त्यस्तो ठाँउमा लक्षित गरेर लगानी ल्याउन आग्रह गरेका हुन् ।
बागमती प्रदेश सरकारले नागरिकको स्वास्थ्यको पक्षमा जनउत्तरदायी काम गरेको बताए । मुलुकको आर्थिक अवस्थाका कारण सिमित स्रोत रहेको उनले बातए । नेपालमा कार्यक्रम ल्याउदा स्वास्थ्यलाई लक्षित गर्न आग्रह गरे । सबैको सहयोगबाट मात्रै मुलुक विकास संभव रहेको बताए ।
चितवनबाट विभिन्न देशमा गएका नेपालीहरुले चितवन सेवा समाज अन्तर्राष्ट्रिय समन्वय समिति बनाएका हुन् । अध्यक्ष समिर खत्रीले सामाजिक कार्यहरु बढाउँदै जाने, विदेशमा छरिएर रहेका नेपालीहरुलाई सँस्थामा थप गोलबन्द गर्दै जाने, उनीहरुका ज्ञान र सीपलाई नेपालको विकासमा प्रयोग गर्ने लक्ष्य रहेको बताए । विश्वभरी रहेका चितवनेहरुलाई एकजुट बनाउन सँस्था लागेको र अबको २ वर्ष भित्रमा सस्थांले आफ्नै भवन पनि निर्माण गर्ने उदेश्य लिएको अध्यक्ष खत्रीले बताए ।कार्यक्रममा प्रदेश सांसद ईश्वर सापकोटा ‘ सुमन ’ ,इच्छाकामना गाँउपालिकाका अध्यक्ष दान बहादुर गुरुङ लगाएतले बोलो थिए ।

शनिबार, असोज २७, २०८० मा प्रकाशित

तपाईको प्रतिक्रिया

सम्बन्धित समाचार

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद

सरकारको नेतृत्वमा  सुशिला कार्कीलाई अघि बढाउने प्रस्तावमा विवाद सुरु