त्यसो त शाहीलाई दिइएको जिम्मेवारीमा पटकपटक अवरोध भएको थियो । विद्यालयको अवस्था खस्किँन थालेपछि २०७९ वैशाख ९ गते शाहीलाई विद्यालय व्यवस्थापन समितिले प्रधानाध्यापकको जिम्मेवारी दिएको थियो । समितिको निर्णयलाई रोकेर भरतपुर महानगरपालिकाले फेरि भदौ २९ मा शाहीलाई नै प्रधानाध्यापकको जिम्मेवारी सुम्पिएकाृे थियो ।

व्यवस्थापन समितिको निर्णयविरुद्ध अघिल्ला प्रधानाध्यापक विष्णु सापकोटाले पाटन उच्च अदालत हेटौँडामा रिट दायर गरेका थिए । मंसिर १४ गते सापकोटाको रिट खारेज भएपछि मात्रै शाहीले काम गर्न पाएका थिए ।

“मेरो एक मात्र नारा विद्यालय बन्द सधैंका लागि बन्द भन्ने थियो । विद्यालर्थीले नै ताला काटेर सहयोग गरे”, शाहीले भने, “माग पूरा गराउन अरु उपाय गर्ने तर तालाबन्दी नगर्ने भन्ने थियो । सबैले सहयोग गरेपछि अहिले विद्यालयमा तालाबन्दी हुन छाडेको छ ।”

संक्रमणकालीन अवस्थामा कुशलतापूर्वक नेतृत्व गरेका शाहीले प्रधानाध्यापकको जिम्मेवारी हालै मात्र रामजी अधिकारीलाई सुम्पिए । योग्यता हुँदाहुँदै पनि शाहीले विद्यालयको शैक्षिक उचाइ बढाउन अधिकारीलाई विद्यालयमा ल्याउन भूमिका निर्वाह गरेका हुन् । उनले विज्ञापन प्रकाशन गरी आफूभन्दा वरिष्ठ शिक्षक अधिकारीलाई ल्याउन पहल गरेका थिए । शाहीले सोमबार अधिकारीलाई आफ्नो जिम्मेवारी सुम्पिएका हुन् ।

उनी २०६३ सालदेखि शिक्षण पेशामा आबद्ध छन् । उनले शिक्षा सेवा आयोगबाट स्थायी दरबन्दीमा नाम निकालेपछि २०७१ सालमा गोरखाबाट सेवा सुरु गरेका थिए । भानु माविमा शाहीले २०७५ साल चैत्र १ गते सेवा थालेका हुन् । उनले ए श्रेणीका विद्यालय काठमाडौंको बागबजारस्थित रोयल पब्लिक स्कुल र शंखमुलको ज्ञान निकेतनमा पनि अध्यापन गरेका थिए ।

शाहीले विद्यालय सबल रहेको भौतिक र शैक्षिक गतिलाई नयाँ बाटोमा डोर्‍याएका छन् ।