चितवन– भरतपुरमा नेपाल फर्मा एक्स्पो २०२४ सुरु भएको छ । हुदैछ ।नेपाल औषधी उत्पादक संघको आयोजनामा चितवन उद्योग संघको प्रर्दशनी केन्द्रमा एक्स्पोको भएको हो । नवौं फर्मा एक्स्पो २०२४’ को स्वास्थ्य तथा जनसंख्या मन्त्रालयका अतिरिक्त सचिव डा.विकास देवकोटाले उदघाटन गरेका हुन् । द्वकोटाले नेपालको भूगोल, परिवेश, हावापानीमा हुने रोगहरुलाई काम लाग्ने औषधि उत्पादन गर्नुपर्ने बताए । नेपाली औषधि उद्योगको बजारीकरणको परम्परालाई पनि परिवर्तन गर्नुपर्ने सुझाव दिए ।सरकार र निजी क्षेत्रबीच खाडल रहेको भन्दै उनले औषधि ऐन नयाँ ल्याउन थालिएको बताए ।
औषधि व्यवस्था विभागका महानिर्देशक नारायणप्रसाद ढकालले एक्स्पोले हाम्रो औषधि उत्पादनको क्षमता प्रदर्शन गरेको बताए ।
एपोनका अध्यक्ष महेश प्रधानले नेपालको औषधि अरु देशको भन्दा कम नभएको बताए । ‘ एउटी उपकरण, एउटै कच्चा पदार्थ, त्यही विज्ञ समूहले बनाएको औषधि कसरी कमजोरी हुन्छ ? ’ उनले प्रश्न गरे । नेपालमै पाँच वटा उद्योगले उत्पादन गर्ने औषधि आयातमा निरुत्साहित गर्नुपर्ने बताए । नेपाल चिकित्सक संघका अध्यक्ष डा.अनिल विक्रम कार्कीले औषधि उद्योगलाई दिगो बनाउन चुनौति रहेको बताए ।
उनुभयो । उहाँले औषधि उद्योगलाई दिगो बनाउनका लागि नीति भन्दा पनि नियत खराब रहेकोले फस्टाउन समस्या रहेको बताए ।
एपोनका निवर्तमान अध्यक्ष प्रज्वलजंग पाण्डले नेपाली औषधि उद्योगमा उच्चस्तरको जनशक्ति समेत तयार भएको बताए ।
एक्स्पोमा १६० वटा स्टल राखिएका छन् । नेपाल सहित भारत, सिंगापुर, बंगलादेश, अमेरिका, जर्मन, चीन लगायत नौ देशहरूले उत्पादनमा प्रयोग गर्ने मेसिन–उपकरण, ल्याब , कच्चापदार्थ र नेपाली औषधि उद्योगले बनाएको औषधिको स्टल राखिएको छ । एक्स्पोमा उत्पादन गर्न प्रयोगमा ल्याइएका नयाँ प्रविधिको प्रर्दशन गरिएको छ । नेपालमा औषधि उद्योगको विकास तथा दिगोपनको संवाहक’ भन्ने मुल नाराका साथ एक्स्पो आयोजना गरेको एक्स्पोका मिडिया संयोजक सन्तोष बरालले बताए ।
