चितवन : दुग्ध व्यवसायमा देखिएका समस्याहरु र अबको बाटोको विषयमा विज्ञ र कृषकले बहस थालेका छन् । भरतपुर महानगरपालिका –६ देवनगरस्थित देवनगर दुग्ध उत्पादक सहकारीमा देवनगर, गितानगर, पारसनगर र आसपासका क्षेत्रका किसानहरुको सहभागितातामा किसानको समस्याको उठान गरिएको छ । डेमोक्रेटिक एग्रिकल्चारिस्ट एसोशियसन– नेपाल (डान) बागमती प्रदेशले कार्यक्रमको आयोजना गरेको हो । डानका केन्द्रिय सदस्य अन्जन अधिकारीले दुग्ध व्यवसायमा समस्याहरु र समाधानका विषय र कृषि तथा वन बिज्ञान बिश्वबिद्यालयका सह–प्राध्यापक डा. सुबिर सिंहले डेरी क्षेत्रमा सूचना प्रविधिको प्रयोगबारे कार्यपत्र प्रस्तुत गरेका थिए । उक्त कार्यपत्रमा केन्द्रीत रहेर किसान र बिज्ञ बीच छलफल गरिएको थियो ।
कार्यक्रममा कृषि तथा बन बिज्ञान विश्वबिद्यालयका सहप्राध्यापक, राष्ट्रिय गाइ अनुसन्धान कार्यक्रमका संयोजक, जिल्ला कृषि विकास कार्यालयका प्रमुख, किसान महासंघका सचिब, सहकारी विभागका सदस्य, डान केन्द्रीय कमिटीका सदस्य सहभागी थिए । समितिका सह–संयोजक सरोज रेग्मीले कृषकको समस्या ओझेलमा परेको कारण विषय उठानसंगै समाधानको लागी आवाज उठाएको बताए ।
डान बागमती प्रदेश संयोजन समितिका संयोजक जीवन लामिछानेले किसानका तर्फबाट उठेका दुग्ध ब्यबसाय सम्बन्धित गुनासो तथा समस्याहरूलाई लिपिबद्ध गरी प्रतिवेदनको रूप दिई कृषि मन्त्रालयमा बुझाउने बताए । प्रमुख अतिथि रहेका नेपाली काँग्रेस चितवनका उपसभापति शालिकराम शर्मा पौडेलले जिल्ला स्तरमा किसान मारमा परेको बताउदै छिटो समाधान गर्न सबैले पहलद गर्नुपपर्ने बताए ।
उक्त कार्यक्रममा राष्ट्रिय गाइ अनुसन्धान कार्यक्रमका संयोजक, जिल्ला कृषि विकास कार्यालयका प्रमुख, सहकारी विभागका सदस्यले डेरी क्षेत्रको महत्व वारे चर्चा गरे । डानका केन्द्रिय सदस्य रामहरि तिमिल्सिनाले अन्तर्क्रिरयाबाट आएका पृष्ठपोषण कृषि नीति तयार गर्नका लागि महत्पूर्ण रहने बताए ।

मङ्गलबार, चैत २७, २०८० मा प्रकाशित

तपाईको प्रतिक्रिया

सम्बन्धित समाचार

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद

सरकारको नेतृत्वमा  सुशिला कार्कीलाई अघि बढाउने प्रस्तावमा विवाद सुरु