काठमाडौँ । कांग्रेस–एमालेबिच गठबन्धन बन्ने सहमति भएसँगै नयाँ गठबन्धनको पक्षमा रहेको बताइरहेको अशोक राई नेतृत्वको जनता समाजवादी पार्टी नेपालले सत्ता साझेदारीको निर्णय भने गरिसकेको छैन । यो दल अझै सरकारमा छ । सरकारका बारेमा निर्णय लिन बैठक बोलाउने भनिएपनि बैठक नै बसेको छैन । उपाध्यक्ष रेणु यादवले पार्टीका अध्यक्ष अशोक राई अस्वस्थ्य भएका कारण बैठक बस्न नसकेको बताइन् ।
पार्टीका उपमहासचिव एवं स्वास्थ्य मन्त्री प्रदीप यादवले नयाँ गठबन्धन बनेपछि मंगलवार नै बैठक बसेर सरकार तथा गठबन्धनका बारेमा निर्णय लिने बताएका थिए । त्यसयता बैठक बस्ने कि नबस्ने निश्चित छैन ।पार्टीका महासचिव इस्तियाक राईले पार्टीको बैठक बसेर मन्त्रीहरूलाई राजीनामा दिन आज वा भोलि बिहानसम्म निर्देशन दिइने बताए । कांग्रेस–एमाले गठबन्धनप्रति जसपा सकारात्मक रहेको र यसका बारेमा पनि पार्टीले आधिकारिक निर्णय लिने बताए ।

बिहिबार, असार २१, २०८१ मा प्रकाशित

तपाईको प्रतिक्रिया

सम्बन्धित समाचार

आदिकवि भानुभक्त माविले मनायो ५७ औं स्थापना दिवस, शिक्षामा संधै अगाडी

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद