चितवन । बाँदर धपाउने क्रममा भरुवा बन्दुक पड्किदा भरतपुर २९ मा २३ वर्षिय पासाङ भुजेल घाइते भएका छन् । खेतमा लगाएको मास खान आएको बाँदर धपाउन जाँदा चिप्लिएर लड्ने क्रममा आफैले बोकेको बन्दुक पड्किएर भुजेल घाइते भएका हुन् । उनको शरिरमा छर्राले लागेको छ । पुरानो मेडिकल कलेजमा उपचार थप उपचारको लागी नयाँ मेडिकल कलेजमा भर्ना गरिएको छ ।
घटाको अनुसन्धानमा जानेक्रममा सोही ठाँउमा भरुवा बन्दुक बोकेर हिडेका अर्का एक जनालाई प्रहरीले पक्राउ गरेको छ । घटनापछि इलाका प्रहरी कार्यालय मुग्लिनका प्रहरी निरिक्षक निरला भण्डारी को नेत्वमा गएको टोलीले भरतपुर २९ विनीडाँडामा भरुवा बन्दुक सहित ४४ वर्षिय कुमार गुरुङलाई नियन्त्रणमा लिईएको जिल्ला प्रहरी कार्यालय चितवनले जनाएको छ । त्यस्तै सोही वडाको सिरुबारी स्थित झाडीमा एक थान बेसाबुद भरुवा बन्दुक फेला पारेर बरामद गरेको छ ।
