असोज १ , चितवन । भरतपुरको एलाईभ हस्पिटल एण्ड ट्रमा सेन्टरमा सिटि स्क्यान सेवा सुरु भएको छ । विश्वकर्मा पुजाको अवसर पारेर अस्पतालमा मंगलवारबाट सिटि सेवा सुरु गरिएको हो । जर्मनीमा बनेको अत्याधुनिक उक्त मेसिनमा विरामीेलाई अत्यास नलागोस् भनेर सानो स्क्रिन छ । त्यसमा दृष्यावलोकन गरेर समय कटाउन सक्ने सुविधा रहेको छ । सिटि स्क्यान सेवाले दुर्घटना र गम्भिर घाइते बिरामीको उपचारमा सहज हुने अस्पतालका प्रमुख एवं बरिष्ठ हाडजोर्नी विशेषज्ञ डा. प्रमोद लामिछानेले बताए । ‘ यसले ठुलो मद्दत गर्नेछ र बिरामीको अझ प्रभावकारी उपचारमा सहयोग हुनेछ भनेर हामीले बिश्वास लिएका छौं , ’ डा. लामिछानेले भने ,‘यसअघि सिटि नहुँदा गम्भिर प्रकृतिका विरामीको सिटि गर्न बाहिर लानुपथ्र्यो । अब यसले झन सहज बनाएको छ । ’अस्पतालका बरिष्ठ हाडजोर्नी विशेषज्ञ डा. अनिल भट्टराईले ट्रमा सैनटर पूर्ण भएको बताए । ‘ यसले पक्कै पनि चोटपटक र दुर्घटनाका बिरामीको उपचारमा प्रभाबकारिता ल्याउने छ , ’ डा. भट्टराईले भने , ‘ हामीमाथी विरामीप्को ठुलो भरोषा भएको अनुभव गर्यौं । सिटि सेवा संचालनले विरामीको उपचार थप प्रभावकारी हुनेमा हामी विश्वस्त छौं । ’
