चितवन । युनाइटेड टेक्निकल कलेजमा ‘ दिगो प्रविधी निमार्ण र ब्यवस्थापन, चुनौती र अवसर विषयमा अन्तरराष्ट्रिय सम्मेलन हुने भएको छ । असोज ६ गते आइतवार युटेक कलेजमा सम्मेलन हुन लागेको हो । दियो प्रविधि निमार्ण र ब्यवस्थापनका विज्ञ र विभिन्न विश्वविद्यालयका सोधकर्ताहरुको प्रस्तुतीकरण रहने युटेक कलेजले जनाएको छ । अमेरिकाको ज्याक्सन विश्वविद्यालय , पोखरा र पूर्वाञ्चल विश्वविद्यालयका विशेषज्ञहरु बक्ताको रुपमा रहनेछन् ।
दिगो प्रविधी निमार्ण र ब्यवस्थापन, चुनौती र अवसरका वारे बहस गरिनेछ । जलवायु परिवर्तनका बीचमा दिगो विकास , वातावरणीय प्रभाव मुल्याङ्कन , क्रंकिटका विभिन्न गुणहरुको अन्वेषण , खानेपानी योजनाको दिगोपन मुल्याङ्नको विषयमा चर्चा गरिनेछ । दिगो विकासको लागी आवश्यक उपाय र रणनितिहरुको विचार विमर्श हुने युनाइटेड टेक्निकल कलेजका अनुसन्धान निर्देशक अर्जुन बाँनियाले बताए । उनका अनुसार सम्मेलनमा विभिन्न प्राविधिक सत्रहरु हुनेछन् । सम्मेलनका प्रमुख अतिथिपोखरा विश्वविद्यालयका विज्ञान तथा प्रविधि संकायका डिन प्राध्यापक राजेशकुमार ठकुराठी , विशेष अतिथी कृषि तथा वन विश्वविद्यालयका कृषि संकायका डिन प्राडा अर्जुनकुमार श्रेष्ठ लगाएत रहने युटेक कलेजका प्रिन्सिपल केशवदत्त अवस्थीले बताए । यसअघि सन् २०२१ मा कलेजले दिगो ईञ्जिनियरिङ प्रविधि र ब्यवस्थापन विषयमा अन्तरराष्ट्रिय सम्मेलन गरेको थियो ।
