विशाल रानामगर (अमेरिका ) ,जय नेपाल फाउण्डेसन उत्तरी क्यालिफोर्निया च्याप्टरको आयोजनामा शुभकामना आदान प्रदन एवं वक्तित्वकला प्रतियोगिताको आयोजना गरिएको छ । नेपाली पर्व दशैं तिहार , छठ पर्वको अवसरमा  फाउण्डेसनको च्याप्टरले आयोजना गर्न विद्यालय र उच्च मावि तहका विद्यार्थीहरुबीच प्रतियोगिता गर्न लागेको हो । प्रतियोगीले नाम दर्ता सेप्टेम्बर २९ तारिखमा दर्ता गरिसक्नुपर्ने बताइएको छ । प्रतियोगिता अक्टोबर ६ मा डाउनटाउन इभेन्ट सेन्टरमा विहान ११ बजे गर्न लागिएको च्याप्टरका अध्यक्ष यादव दाहालले बताए ।
जय नेपाल फाउण्डेसनले आफ्ना च्याप्टर मार्फत गतिविधि तिब्र पारेको छ । नेपालीहरुको सहयोग र सदभावका लागी च्याप्टरहरुले कार्यक्रमलाई तिब्रता दिन थालेको केन्द्रीय प्रवक्ता लालप्रसाद काफ्लेले बताए ।
राजनीतिक संस्कार,संस्कृति तथा प्रजातान्त्रिक आचरण र व्यवहारका वारेमा अध्ययन अनुसन्धान गर्न गठित फाउण्डेसनका अन्तरराष्ट्रिय अध्यक्ष डा. यादव पण्डित हुन् । राष्ट्रियता, लोकतन्त्र र समाजवादका आदर्श मुल्य र मान्यताका आधारमा न्यायपूर्ण, गतिशिल र स्वतन्त्र तथा समतामूलक समाज निर्माण गर्नसक्ने जनशक्ति तयार पार्न प्रशिक्षण र तालिम संचालन गर्ने उदेश्यले फाउण्डेसनको स्थापना गरिएको  जय नेपाल फाउण्डेसनको केन्द्रीय प्रवक्ता लाल प्रसाद काफ्लेले बताए ।

सोमबार, असोज १४, २०८१ मा प्रकाशित

तपाईको प्रतिक्रिया

सम्बन्धित समाचार

आदिकवि भानुभक्त माविले मनायो ५७ औं स्थापना दिवस, शिक्षामा संधै अगाडी

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद