विशाल रानामगर (विस्कान्सन ) । विश्वब्यापी सञ्जालमा विस्तारित जय नेपाल फाउण्डेसन अमेरिकाको न्युयोर्कमा पनि च्याप्टर गठन गरिएको छ । दिन दयाल भण्डारी (दिनेश) को अध्यक्षतामा न्ययोर्क च्याप्टर च्याप्टर गठन गरिएको हो । समितिको उपाध्यक्षमा विपिन कोइराला , महासचिवमा विज्ञान खनाल र कोषाध्यक्षमा विवेक अधिकारी चयन भएका छन् । समितिको सदस्यमा वेगम पण्डित ,ध्रुवराज पौडेल , लाल जीसी, मिन बहादुर हमाल , निरुपा गुरुङ , समिर लामा , लोकमणी न्यौपाने , सरोज विक र दिपेन्द्र कार्की रहेका छन् । त्यस्तै सल्लाहकारमा पार्वती गुरुङ , जितेन्द्र ढकाल , विनोद सुवेदी , सुजन खनाल , टक बहादुर रुवाली र विकास विष्टलाइृ चयन गरिएको छ ।
राष्ट्रियता, लोकतन्त्र र समाजवादका आदर्श मूल्य र मान्यताका आधारमा न्यायपूर्ण, गतिशील र स्वतन्त्र तथा समतामूलक समाज निर्माण गर्न सक्ने जनशक्ति तयार पार्न प्रशिक्षण र तालिम सञ्चालन गर्ने उद्देश्यले फाउन्डेसनको स्थापना गरिएको हो । जय नेपाल फाउण्डेसन अन्तरराष्ट्रिय अध्यक्ष डा.यादव पण्डितले जय नेपाल फाउडेसनलाई संसारभर छरिएका नेपालीको हित र एकतामा बाँधेको बताए । ‘ हामी संसारभर रहेका नेपालीलाइृ एकताबद्ध गर्न चाहन्छौ । विश्वभर रहेका नेपालीको सुखदुखको साथी जय नेपाल फाउण्डेसन हो , ’ केन्द्रीय अध्यक्ष पण्डितले भने , ‘ एकताबद्ध र समृद्ध भविष्यको लागि विश्वव्यापी नेपाली समुदायलाई सशक्त बनाउने उदेश्यका साथ विस्तार गरेका हौं । ’
फाउण्डेसनका केन्द्रीय प्रवक्ता लाल प्रसाद काफ्लेले फाउण्डेसनको भिजन नेपाली जनतालाई एकताबद्ध गरी नेपाली पहिचानको संरक्षण र प्रवद्र्धन गर्नु फाउण्डेसनको उदेश्य रहेको बताए । फाउण्डेसनका नेपालका अध्यक्ष बद्री अर्याल हुन् ।

आइतबार, मङि्सर ०२, २०८१ मा प्रकाशित

तपाईको प्रतिक्रिया

सम्बन्धित समाचार

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद

सरकारको नेतृत्वमा  सुशिला कार्कीलाई अघि बढाउने प्रस्तावमा विवाद सुरु