काठमाडौं – विश्वब्यापी संजालमा रहेको जजय नेपाल इन्टरनेशनल फाउन्डेसनले ग्लोवल वुमन नेटवर्कको अध्यक्षमा बिनिता अधिकारीलाई चयन गरेको छ । विश्वभरका महिलाहरुको संजाल बनाउन अधिकारीलाई अध्यक्षको जिम्मेवारी दिइएको हो । नेपाली काँग्रेस महासमिति सदस्य रहेकी उनी काठमाडौंको पद्यमकन्या क्याम्पसको पूर्व स्ववियु सभापति हुन् । उनको नेतृत्वको क्षमताको आधारमा जिम्मेवारी दिइएको जय नेपाल फाउण्डेसन अन्र्तराष्ट्रियका केन्द्रीय प्रवक्ता लाल प्रसाद काफ्ले बताए । फाउन्डेसनले नियमावली २०२४ को धारा ७।३ र १४।१ ब्मोजिम अधिकारीलाई संस्थाको अध्यक्षमा नियुक्त गरेको काफ्लेले बताए ।
जय नेपाल अन्तरराष्ट्रिय फाउण्डेसनका केन्द्रीय अध्यक्ष डा. यादव पण्डित हुन् । अध्यक्ष डा. पण्डितले फाउन्डेसनको उपनियम–२०२४ को ७.३ र १४.१ अनुसार नेपाली कांग्रेसकी युवा नेतृ अधिकारीलाई ग्लोबल वुमन नेटवर्कको अध्यक्षमा नियुक्त गरेका हुन् ।
मानवअधिकार, वाक स्वतन्त्रता तथा प्रजातान्त्रिक मूल्य मान्यताको प्रवद्र्धनका लागी स्थापित जय नेपाल फाउन्डेसनको संगठन विस्तार गरी विश्वभर छरिएका प्रजातन्त्रवादीहरुलाई एकत्रित गरिएको छ । राष्ट्रियता, लोकतन्त्र र समाजवादका आदर्श मूल्य र मान्यताका आधारमा न्यायपूर्ण, गतिशील र स्वतन्त्र तथा समतामूलक समाज निर्माण गर्न सक्ने जनशक्ति तयार पार्न प्रशिक्षण र तालिम सञ्चालन गर्ने उद्देश्यले फाउन्डेसनको स्थापना गरिएको हो । केन्द्रीय प्रवक्ता लाल प्रसाद काफ्ले देश विदेशमा फाउण्डेसनलाई विस्तार गरेर गतिविधि तिब्र बनाएको बताए ।
