चितवन । सहिदलाई सम्झिदै भरतपुर अस्पतालका चिकित्सक ,स्वास्थ्यकर्मी र कर्मचारीको मर्निङ वाक गरेका छन् । सहिद दिवसमा भरतपुर अस्पताल विकास समिति कर्मचारी युनियनले आयोजना गरेको ‘स्वास्थ्यका लागि हिंडाई’ कार्यक्रममा भरतपुरका मुख्य क्षेत्र परिक्रम गरेका थिए । स्वास्थ्यका लागि हिडौं भन्ने सन्देशका लागि कार्यक्रम आयोजना गरिएको भरतपुर अस्पताल विकास समिति कर्मचारी युनियनका अध्यक्ष डा. दिपेन्द्र न्यौपानेले बताए । ‘ अहिले सुदिा र विलासिताको जीवन जिउने वाहनामा रोग बढ्दो छ । हामीले सन्देश दिनका लागि चिकित्सक र स्वास्थ्यकर्मी हिंडेका हौं , ’ उनले भने । भरतपुर अस्पतालबाट सुरु भएको हिंडाई कार्यक्रम अस्पताल रोड चौविसकोठी , हाकिचोक चोक हुँदै पुनः अस्पतालमा पुगेर समापन भएको थियो । चिकित्सा शिक्षा सुधार अभियन्ता डा. गोविन्द केसी, अस्पताल विकास समितिका अध्यक्ष राजु पौडेल , मेसु डा. कृष्ण पौडेल ,स्त्री रोग विभाग प्रमुख डा. सुनिलमणी पोखरेल , अस्पताल विकास समिति सदस्य डिल्लीराम लामिछाने ‘मिलन’ , चितवन ट्राफिक प्रमुख गायत्री शर्मा , नेपाल पत्रकार महासंघ चितवनका अध्यक्ष वसन्तराज पराजुली , उधोग बाणिज्य संघ चितवन सदस्य उपेन्द्र पण्डित सहितको टोली हिंडाईमा सहभागी थिए ।
