डेनमार्क, २३ फेब्रुअरी। विश्वब्यापी संजालमा विस्तार हुँदै गएको जय नेपाल इन्टरनेशनल फाउण्डेसनको डेनमार्कमा पनि च्याप्टर गठन गरिएको छ । सीता देवी बास्तोला बरालको संयोजकत्वमा १३ सदस्यीय कार्यसमिति गठन भएको छ ।तीन वर्षे कार्यकालका लागि चयन भएको समितिको महासचिवमा प्रकाश बिक्रम शाही, कोषाध्यक्षमा शोभा पाठक सापकोटा रहेका छन् । त्यस्तै सदस्यमा मङल बहादुर परियार, रामकुमार थापा, मन्जु शर्मा, सुवास गुरुङ, महेन्द्र राज शर्मा, एकराज सापकोटा, भक्त खत्री, मनोज खरेल, सन्दिप राजवंसी र राजकुमार भण्डारी रहेका छन् । नविन राज पौडेल, रामचन्द्र पाठक, शैलेन्द्र अधिकारीलाई सल्लाहकारमा चयन गरिएको छ ।सस्थाको उद्देश्य पुरा गर्नको लागी हरदम प्रयत्न रहने प्रतिबद्द्ता जाहेर गर्दछु ।  अमेरिका सहित फाउन्डेसनका ३८ च्याप्टर घोषणा भैसकेका छन । मानवअधिकार, वाक स्वतन्त्रता तथा प्रजातान्त्रिक मूल्य मान्यतामा विश्वास राख्नेहरूको नेटवर्कमार्फत आफू रहेको समुदाय र नेपालको विकासमा समेत सहभागिता बढाउने उद्देश्यले यस संस्थाको स्थापना भएको छ। संस्थाको अन्तर्राष्ट्रिय अध्यक्षमा डा। यादव पण्डित हुन् । फाउण्डेसनका केन्द्रीय प्रवक्ता लाल प्रसाद काफ्लेले फाउण्डेसनलाई नेपालीको सारथी बनाउन लागिएको बताए । संसारभर रहेका नेपालीलाई जय नेपालको एउटै मालामा जोड्ने अभियान रहेको काफ्लेले बताए । जन सम्पर्क समिति डेनमार्कका महामन्त्री कृष्ण गिरीले कार्यक्रमको सहजीकरण गरेका थिए । कार्यक्रममा गैर आवासीय नेपाली संघको विभिन्न पदमा रहनु भएका व्यक्तिहरू तथा फाउन्डेसनका पदाधिकारीहरूले कार्यसमितिलाई बधाई तथा शुभकामना प्रदान गरे । संस्थाको उद्देश्य र ढाँचाको बारेमा बताउदै संस्थापक अध्यक्ष डा. यादव पण्डितले फाउण्डेसन कुनै संस्थासंग प्रतिस्पर्धी नभई सहयात्री संस्थाको रुपमा रहेको बताए । नेपालका ७७ जिल्ला र विदेशमा समेत यसका च्याप्टर रहेका हुँदा मातृभूमिमा केहि गर्नको लागि हामीले सिधा रुपमा गर्न सकिने डा. पण्डितले बताए ।

सोमबार, फागुन १२, २०८१ मा प्रकाशित

तपाईको प्रतिक्रिया

सम्बन्धित समाचार

कर्फ्यु र निषेधाज्ञा हटेपछि सामान्यतर्फ उन्मुख चितवन

सैनिक मुख्यालय बाहिर सरकारको नेतृत्वको विषयमा विवाद

सरकारको नेतृत्वमा  सुशिला कार्कीलाई अघि बढाउने प्रस्तावमा विवाद सुरु