चितवन— टाटा मोटर्सको आधिकारिक वितरक सिप्रदी ट्रेडिङले चितवनमा नयाँ ईभी सार्वजनिक गरेको छ ।कम्पनीले हालै मात्र नेपालमा सार्वजनिक कर्भ ईभी, नेक्सन के ३ ईभी र टाटा टियागो ईभी सार्वजनिक गरेको हो ।उद्योग वाणिज्य स.ंघ चितवनका अध्यक्ष सुमनकुमार श्रेष्ठले गाडी सार्वजनिक गरे । उक्त अवसरमा कम्पनीका प्यासेन्जर भेहिकलका बिजनेस युनिटका प्रमुख महाप्रबन्धक सावन्त जंग सिजापति र टाटा मोटर्सको नेपालका लागि कन्ट्री म्यानेजर प्रसन्न रंगनाथानको उपस्थितिमा उक्त गाडी सार्वजनिक गरिएको थियो ।चितवनमा नयाँ गाडी सार्वजनिक गरिएसँगै ग्राहकले टाटाका ईभी गाडी २७ लाख ४९ हजारदेखि ५६ लाख ९९ हजार रुपैयाँसम्मका गाडी खरिद गर्न सक्ने कम्पनीले जनाएको छ । कम्पनीले यसअघि जनकपुर र वीरगन्जमा उक्त गाडी सार्वजनिक गरेको थियो ।चितवन र नवलपुरका लागि आधिकारिक विक्रेता सफल मोटर्सका संचालक गोपाल भट्टराईले नेपालको बाटो सुहाउँदो गाडी आएको बताए । सर्भिसमा टाटा अगाडी रहेको भन्दै उपभोक्ता सन्तुष्ट हुने गाडी आएको दावी गरेका छन् ।
