चितवन । दन्त चिकित्सा विधामा केन्द्रित रहेर उपचार अनुसन्धानका लागि चितवनमा दन्त चिकित्सकहरुको सम्मेलन गरिएको छ । दाँतको जरेदेखी उपचार गर्ने , दाँत भर्ने , आरसिटि गर्ने विधाका दन्त चिकित्सकहरुको सम्मेलन गरिएको सम्मेलनका सचिव डा. लिपिका श्रेष्ठले बताईन् । नौं वर्षपछि पहिलो पटक काठमाडौं उपत्यका बाहिर सममेलन गरिएको हो । यसका लागि सचिव श्रेष्ठले समन्वय गरेकी थिईन् । उनी पुरानो मेडिकल कलेजका बरिष्ठ एसोसिएट प्रोफेसर हुन् ।
सम्मेलन मार्च २८ र २९ मा भरतपुरमा कन्जरभेटिभ डेन्टिस्ट्री एण्ड एन्डोडोन्टिक्स एसोसिएसन अफ नेपाल (CDEAN) को नवौं वार्षिक सम्मेलन गरिएको हो । पहिलो दिन सय जना युवा चिकित्सकहरुको कार्यशाला गरिएको थियो । तीन चरणमा गरेर कार्यशाला गरिएको हो । दोस्रो दिन राष्ट्रिय तथा अन्तरराष्ट्रिय विज्ञले कार्यपत्र प्रस्तुत गरेका थिए । सम्मेलनमै स्नातोकोत्तर गरेका चिकित्सकहरुका बीच रोगको उपचार वारे प्रस्तुतीरकण राखिएको थियो । व्यावहारिक कार्यशालाहरूमार्फत अन्तरदृष्टिपूर्ण छलफलहरू गराइएको थियो । दुई विधाका उत्कृष्ट दुई चिकित्सकलाई अवार्ड वितरण गरिएको थियो ।
नेपाल चिकित्सक संघका केन्द्रीय अध्यक्ष डा. अनिल विक्रम कार्कीको प्रमुख आतिथ्यतामा भएको कार्यक्रममा भरतपुर अस्पतालका दन्त चिकित्सा विभागका प्रमुख बरिष्ठ चिकित्सक डा. अजय न्यौपाने , पुरानो मेडिकल कलेजका दन्त चिकित्सा विभागका इन्चार्ज डा. सफल ढुङ्गेल लगाएतका थिए । विज्ञ सहित नेपालका दन्त चिकित्सा गरेर सम्मेलनमा करिब दुई सय जनाको सहभागिता थियो । सहभागीहरूको स्पष्ट उत्साह, कन्जर्भेटिभ डेन्टिस्ट्री र एन्डोडोन्टिक्सका विभिन्न क्षेत्रहरूमा आमन्त्रित विशेषज्ञहरूसहभागिताले शैक्षिक र ज्ञान आदानप्रदानमा सहयोगको वातावरण बनेको आयोजकको दावी छ । सम्मेलनमा नयाँ अनुभव र सिपको आदानप्रदान भएको कन्जरभेटिभ डेन्टिस्ट्री एण्ड एन्डोडोन्टिक्स एसोसिएसन अफ नेपाल (CDEAN) का अध्यक्ष डा. दिप्ति श्रेष्ठले बताईन् । सम्बन्धित विधाका चिकित्सकहरुको सीप बढाउनका लागि सम्मेलन सफल रहेको बताईन् । सम्मेलनले निरन्तर सिकाइ र व्यावसायिक विकासमा CDEAN को प्रतिबद्धतालाई प्रदर्शन र सुदृढीकरण गरेको आयोजक (CDEAN) का उपाध्यक्ष डा. निशा आचार्यले बताईन् ।
सक्रिय सहभागिता र गहिरो चासो सम्मेलनको केनद्र बनेको सम्मेलनको संयोजक प्रा डा.रिमा जोशीले बताईन् । ‘ हामी हाम्रा सबै सम्मानित विशेषज्ञ वक्ताहरूलाई हाम्रो हार्दिक कृतज्ञता व्यक्त गर्दछौं जसले सत्रहरूमा उदारतापूर्वक आफ्नो ज्ञान र विशेषज्ञता साझा गरे,’ उनले भनिन् , ‘ उनीहरूको अन्तरदृष्टिपूर्ण प्रस्तुतीकरण र अन्तरक्रियात्मक सत्रहरूलाई सहभागीहरूले अत्यधिक प्रशंसा गरे। ’ थप समृद्ध र प्रभावशाली कार्यक्रमहरू आयोजनाको अपेक्षा छ ।
