बिशाल राना मगर , अमेरिका – जय नेपाल फाउन्डेशन टेक्सस च्याप्टरले नयाँ वर्ष २०८२ को अवसरमा शुभकामना कार्यक्रम आयोजना गरेको छ। टेक्ससको डालसमा शुभकामना कार्यक्रम भएकमो हो । शुभकामना दिंदै फाउन्डेशनका अध्यक्ष डा. यादव पण्डितले मानवअधिकार, वाक स्वतन्त्रता तथा प्रजातान्त्रिक मूल्य मान्यतामा विश्वास राख्नेहरूको नेटवर्कमार्फत आफू रहेको समुदाय र नेपालको विकासमा समेत सहभागिता बढाउने उद्देश्यले फाउन्डेसनको स्थापना गरिएको जनाए। फाउण्डेशनले विश्वभरका नेपाली युवाको सञ्जाल ‘ग्लोबल युथ नेटवर्क ’ महिलाहरूको ‘ग्लोबल वुमन नेटवर्क ’ , सञ्चारकर्मीहरूको ‘ग्लोबल मिडिया नेटवर्क’, बुद्धिजीविहरुको फोरम ‘ग्लोब नलेज नेटवर्क ’ र खेलाडीहरूको ‘ग्लोबल स्पोर्ट नेटवर्क ’ मार्फत गतिविधि तिब्र पारिएको बताए । फाउण्डेशनका केन्द्रीय प्रवक्ता लालप्रसाद काफ्लेले नेपाल र बिश्वभर छरिएका नेपालीको हितमा अग्रसर हुन फाउण्डेशनका सदस्यहरुलाई आव्हान गरे । रचनात्मक कामबाट एकता सहित एक अर्कामा सहयोगको अभियानका लागि आग्रह गरे ।
अमेरिका र अन्य देशमा गरेर फाउन्डेसनका ३८ च्याप्टर घोषणा भैसकेको छ । डा. पण्डितले प्रजातान्त्रिक मूल्य मान्यतामा विश्वास राख्ने नेपालीहरूको साझा भावनाबाट आफू रहेको समुदाय र नेपालको विकासमा टेवा पुर्याउने उद्देश्यले संस्थाको स्थापना भएको हुँदा सबैलाई यस उद्देश्य पूर्तिको लागि हातेमालो गर्दै अगाडी बढ्नको लागि संस्थामा जोडिन आव्हान पनि गरे । सदस्यता लिनको लागि संस्थाको वेब पेजमा आफ्नो विवरण भरेर लिन सकिने व्यवस्था रहेको उनले बताए ।
