चितवन, जेठ – नेपाली कांग्रेसको शुभेच्छुक संस्था सार्वजनिक यातायात र यातायात व्यवसायी समन्वय विभागले यातायात व्यवसायी र मजदुरको माग तत्काल समाधान गर्न सरकारलाई आह्वान गरको छ । आज (सोमबार) एक विज्ञप्ती जारी गर्दै संघले व्यवसायीको लगानीको सुरक्षा र मजदुरहरुको सामाजिक हकको संरक्षण गर्न सरकारलाई आह्वान गरेको हो ।
गण्डकी प्रदेश सरकारले निजी सवारी साधनलाई भाडामा यात्रुबोक्न दिनेगरी नियमावली ल्याएर राजपत्रमा प्रकाशन गरेको विरोधमा व्यवसायीहरुले देशभर यात्रुबहाक सार्वजनिक सवारीसाधन ठप्प पारेका छन् । जसको असर आम सर्वसाधारणमा परेको छ । यसलाई मध्येनगर गर्दै यातायात व्यवसायी र मजदुरको माग तत्काल समाधान माग सम्बोधन गरी समाधान खोज्न विभागले आह्वान गरेको हो । विभागका प्रमुख शिवप्रसाद हुमागाईले व्यवसायीको माग सुनुवाई सरकारबाट हुनुपर्ने बताएका छन् । यात्रुको कठिनाई पिर मर्का र राष्ट्रिय परिस्थतीलाई मध्यनजर राख्दै सरकार र आन्दोलनरत पक्षले बार्ताबाट समस्या समाधान गर्नुपर्दछ’–उनले विज्ञप्तीमा भनेका छन् । नेपाली कांग्रेस पार्टीको शुभेच्छुक संस्था नेपाल लोकतान्त्रिक यातायात व्यवसायी संघले व्यवसायी र मजदुरहरुको मागको सवालमा निरन्तर समन्वय र सम्पर्क गरिरहेकाले यस विषयको गहिराई र गम्भीरता विभागलाई जानकारी रहेको बताएका छन् ।
विभागका सदस्य चितवनका राजकुमार गुरुङले पनि यातायात व्यवसयी र मजदुरको माग पुरागरी आम नागरिकमा परेको समस्याको समाधानका लागि तत्काल पहल गर्न सरकारलाई आह्वान गरेको छ ।
