चितवन, साउन ३० — नेपाल ढकाल समाज प्रतिष्ठान भरतपुर महानगर शाखाको प्रथम अधिवेशनबाट रामप्रसाद ढकाल अध्यक्षमा सर्वसम्मत चयन भएका छन्। अधिवेशनले उपाध्यक्षमा सावित्री कोइराला ढकाल, सचिवमा ऋषिराम ढकाल, सहसचिवमा सुरेश ढकाल, कोषाध्यक्षमा डीलकुमारी ढकाल तथा सदस्यमा दिनेश ढकाल र उपेन्द्र ढकाललाई निर्वाचित गरेको छ। बाँकी दुई सदस्य पछि मनोनयन गरेर समितिलाई पूर्णता दिने निर्णय गरिएको छ।
छविलाल ढकालको सभापतित्वमा सम्पन्न अधिवेशनका प्रमुख अतिथि नेपाल ढकाल समाज प्रतिष्ठानका केन्द्रीय उपाध्यक्ष सीता शर्मा ढकालले नयाँ नेतृत्वलाई बधाई दिँदै भरतपुर शाखाले ढकालहरूको एकतामा महत्वपूर्ण भूमिका खेल्ने विश्वास व्यक्त गरिन । प्रतिष्ठानका सचिवालय सदस्य हरि ढकालले देवघाटमा निर्माणाधीन आश्रमलाई पूर्णता दिन सबैको सहयोग आवश्यक रहेकोमा जोड दिए। केन्द्रीय सदस्य तथा चितवन संयोजक नवराज ढकालले प्रतिष्ठानले ढकाल समुदायलाई एउटै छानामुनि ल्याउन सफल भएको उल्लेख गर्दै भरतपुर शाखाले आश्रम निर्माणमा सहयोग गर्ने विश्वास व्यक्त गरे।
जिल्ला अध्यक्ष मुक्तिनाथ ढकालले भरतपुर शाखाले विगतमा समेत सक्रियतापूर्वक सहभागिता जनाउँदै आएका कार्यक्रमहरूको प्रसंशा गर्दै आगामी दिनमा पनि यस्तै निरन्तरता रहने अपेक्षा व्यक्त गरे। कार्यक्रमको सञ्चालन जीवाखर ढकालले गरेका थिए
