अभिनेता द्वय आयुष्मान र आशीरमान देशराज जोशीकी आमा तथा प्रियंका कार्कीकी सासू रवीना देशराजले श्रेष्ठले विदेशी प्रेमी सार्वजनिक गरेकी छिन् ।
रवीनाले बिहीबार सामाजिक सञ्जाल इन्स्टाग्राममार्फत् आफ्नो प्रेमी सार्वजनिक गरेकी हुन् । उनले इन्स्टाग्राममा स्टुआर्ट एलेक्जेण्डर च्याम्पम्यान नामक आइडीलाई मेन्सन गर्दै उक्त तस्वीर सार्वजनिक गरेकी हुन् ।
सेलेब्रेटी बैंकरका रूपमा चिनिने रवीनाले एक साताअघि मात्र मेगा बैंकबाट राजीनामा दिएकी हुन्। उनी बैंककी कायममुकायम कार्यकारी अधिकृत थिइन् । उनले सामाजिक सञ्जाल इन्टाग्राममा ३२ वर्षको बैंकिङ करिअरबाट बाहिरिएपछि आफ्नो प्रेमीलाई चिनाउन पाउँदा खुसी भएको बताएकी छिन् । उनले भेटपछि कसरी माया बस्यो त्यो व्यक्त गर्न नसक्ने भन्दै सबैलाई शुभकामना र आर्शीवाद दिन अनुरोध गरेकी छिन् ।
आफ्नो पुर्खाहरू र ब्रह्माण्डको आशीर्वादका कारण एकदमै दयालु, कुरा बुझ्ने र मायालु सहयात्री पनि पाएको उनले बताएकी छिन् । रवीनाले स्टुआर्ट अलेक्जेन्डर च्यापम्यानको इन्स्टाग्राम ह्यान्डल मेन्सन गरेर आइ लभ युु पनि लेखेकी छिन् ।
रविना बैंकिङ क्षेत्रमा उच्च व्यवस्थापनमा पुग्ने सीमित नेपाली महिलामा पर्छिन् । रविनाले स्टाण्डर्ड चार्टर्ड बैंकबाट बैंकिङ करिअर सुरु गरेकी थिइन् ।
