कलाकारको सबैभन्दा बढी चर्चा हुने कुरा भनेकै उनीहरुको प्रेम सम्बन्ध हो । दर्शकहरु आफ्ना मन पर्ने कलाकारको प्रेम सम्बन्धको बारेमा थाहा पाउन निकै उत्सुक हुन्छन् । त्यसैले अहिले कलाकारहरु आफ्नो सम्बन्धको बारेमा स्वयं आफैँले पनि सामाजिक सञ्जालमार्फत पनि जानकारी दिन्छन् ।
यद्यपि, धेरै त्यस्ता बलिउड अभिनेत्री छन् जसको प्रेम विवाहित पुरुषसंग रहेको थियो । त्यस्ता केहि अभिनेत्रीहरु छन्, जसले अर्काको श्रीमानलाई आफ्नो प्रेमी बनाए र उनीहरुमध्ये कसैको प्रेम सफल भयो भने कसैको प्रेम प्रेममा मात्र सिमित रह्यो ।
श्रीदेवी
बलिउडदेखि साउथ फिल्ममा पनि आफ्नो परिचय बनाउन सफल अभिनेत्री श्रीदेवीले विवाहित फिल्म निर्माता बोनी कपूरसंग प्रेम गरेकी थिइन् । बोनी र श्रीदेवीको प्रेम सम्बन्धका कारण बोनी कपूरले आफ्नी पहली श्रीमतीसंग सम्बन्ध विच्छेद गरेका थिए । पछि श्रीदेवी र बोनी कपूरले विवाह गरे र दुबैको दुई सन्तानका रुपमा छोरीहरु जन्मिए भने श्रीदेवी यो संसारबाट विदा भइसकेकी छिन् ।
रेखा
बलिउड अभिनेत्री रेखा र अभिनेता अमिताभ बच्चनको प्रेम सम्बन्धको बारेमा थाहा नहुने कमै होलान् । फिल्म ‘शिलशिला’ को सेटबाट प्रारम्भ भएको यी दुबैको प्रेम सम्बन्ध अहिले पनि रहेको बताइन्छ । रेखा र अमिताभको प्रेमले जया र अमिताभको वैवाहिक जीवनमा खटपट परेता पनि उनहरुले आफ्नो सम्बन्धलाई जोगाइ राखेका छन् ।
मीनाश्री शेषाद्री
एक समयमा अति व्यस्त मानिने अभिनेत्री मीनाक्षी शेषाध्रि र गायक कुमार शानूको प्रेम सम्वन्ध धेरै नै चर्चामा थियो । उनीहरुको प्रेम सम्बन्धका कारण कुमार शानूको वैवाहिक जीवनमा भुकम्प नै गएको थियो ।
तब्बू
अझै पनि सिंगल रहेकी अभिनेत्री तब्बू र बलिउडका साथै साउथ अभिनेता नागार्जुनसंग गहिरो प्रेममा परेकी थिइन् । उनले नागार्जुनका लागि १० वर्षसम्म प्रतिक्षा गरेकी थिइन् । तर नागार्जुन विवाहित भएकाले तब्बूको उनीसंगै जीवन बिताउने सपना सपनैमा सिमित रह्यो ।
श्रृति हासन
श्रृति हासन र धनुषको प्रेम सम्बन्ध पनि चर्चाको विषय बनेका थियो । तर धनुष पहिलेबाट नै विवाहित भएकोले उनीहरुको प्रेम पनि लामो समय रहिरहन सकेन ।
नयन तारा
नयन ताराले विवाहित प्रभु देवासंग प्रेम सम्बन्ध राखेकी थिइन् । तर यी दुबै कहिले पनि एक हुन सकेनन् ।
