छोरीलाई पनि पढाउन प्रेरित गर्ने उद्देश्यले २०४५ सालमा युनिसेफले निर्माण गरेको एक लोकप्रिय जन चेतनामूलक विज्ञापनमा अभिनय गरेकी मौलिक कलाकार कान्छी लामिछानेको गत बिहीबार निधन भएको खबर ढिलो गरी प्राप्त भएको छ।
फिल्म लेखक तथा निर्देशक अनिल संग्रौलाका अनुसार दमको समस्यासँग जुध्दै आएकी उनको गत विहीबार निधन भएको हो। संग्रौलाका अनुसार एक जमानामा नगरकोट फेदीस्थित उनको घरमा लगातार विभिन्न फिल्मको सुटिङ हुने गरेको थियो। दैनिकी टार्न पाँच सय रुपियाँ सापटी लिन साहुकहाँ पुगेका बुबालाई पढेकी नाबालिग छोरीले साहुले लिखतमा पाँच सयको साटो पाँच हजार लेखेको भनेर सजग गराउने र बुबाले छोरीलाई पढाएर बुद्धि पुर्याएछु भन्ने सो विज्ञापनमा कान्छी लामिछानेले साहुका खाली हात जान हुन्न भन्दै छोरीलाई गोलभेडा पठाएको दृश्यमा मौलिक ढंगको अभिनय गरी सोहीअनुसारको संवादसमेत बोलेकी छन्। ञत्यो विज्ञापनमा कान्छी लामिछानेको काम सयवटा फिल्ममा गरेको भन्दा कम थिएन, संग्रौला भन्छन्।
